Nú líður senn að árlegu bæjarhátíðinni Í túninu heima, en hún fer fram dagana 28. ágúst – 1. september. Að venju er boðið upp á fjölbreytta menningarviðburði, til að mynda tónleika, myndlistarsýningar, útimarkaði og íþróttaviðburði svo fátt eitt sé nefnt.
Gljúfrasteinn tekur að sjálfsögðu þátt í hátíðinni og opnar dyr safnsins upp á gátt helgina 31. ágúst – 1. september. Frítt verður inn á safnið þessa helgi og plata á fóninum.
Við hlökkum til að sjá ykkur sem flest kæru Mosfellingar og aðrir gestir.
Bæjarhátíðin Í túninu heima
Í túninu heima er árlegur viðburður og oft margt um manninn í Mosfellsdal þessa helgi. Sjáumst á Gljúfrasteini.