Allir upplestrar Halldórs Laxness sem varðveittir eru í safni RÚV eru aðgengilegir í spilara RÚV á netinu. Þar er einnig að finna töluvert af viðtölum við skáldið. 

Meðal bóka sem nú er hægt að hlusta á nóbelskáldið lesa í spilara RÚV eru Gerpla, Brekkukotsannáll, Í túninu heima, Paradísarheimt, Kristnihald undir Jökli, Atómstöðin, Innansveitarkronika og grein Halldórs Hernaðurinn gegn landinu. Einnig má hlýða á Halldór lesa eigin ljóð og ljóðaþýðingar, Passíusálmana og Birtíng eftir Voltaire í þýðingu skáldsins.

Upplestrarnir voru gerðir aðgengilegir í tilefni af 90 ára afmæli RÚV í samstarfi við dætur skáldsins, Guðnýju Halldórsdóttur og Sigríði Halldórsdóttur.

Hér fyrir neðan er listi yfir upplestra skáldsins.