Upp er runnin stofutónleikaröð Gjúfrasteins. Hún hóf göngu sína árið 2006 og alltaf er jafn dásamlegt að heyra tóna hljóma í stofunni á Gljúfrasteini.
Tónlist skipti Halldór Laxness miklu máli frá fyrstu tíð. Bæði ritaði hann um tónlist af ýmsum tilefnum og eins lék hann á píanó, ekki síst verk Johann Sebastian Bach.
Í tíð Halldórs og Auðar voru ávallt haldnir tónleikar í stofunni þar sem fjöldi listamanna kom fram jafnt innlendir sem erlendir.
Stofutónleikar hefjast kl. 16 og aðgangseyrir er 3.500 kr. Miðasala fer fram í móttöku safnsins fyrir tónleika og næg bílastæði eru við Jónstótt.
Dagskráin í sumar er sem hér segir:
JÚNÍ
2. júní Kári Egilsson píanó
9. júní Sunna Gunnlaugs píanóleikari og Marína Ósk Þórólfsdóttir söngkona.
16. júní Páll Ragnar Pálsson og Tui Hirv
23. júní Silva og Steini
30. júní Gunnar Kvaran sellóleikari.
JÚLÍ
7. júlí Sólveig Thoroddsen hörpuleikari og Sergio Coto Blanko lútuleikari.
14. júlí Hjörtur Ingvi Jóhannsson leikur á píanó, Andri Ólafsson á bassa og
Magnús Tryggvason Eliassen á trommur.
21. júlí Páll Palomares fiðla og Erna Vala Arnardóttir píanó.
28. júlí Magnús Jóhann píanóleikari og Óskar Guðjónsson saxafónleikari spila jazz.
ÁGÚST
4. ágúst Dúóið Girni og Stál spila barokk. Sólveig Steinþórsdóttir fiðluleikari
og Geirþrúður Anna Guðmundsdóttir sellóleikari.
11. ágúst Kristján Kristjánsson KK syngur og spilar eins og honum einum er lagið.
18. ágúst Strengjakvartettinn Spúttnik. Kvertettinn skipa: Vigdís Másdóttir, víóla,
Gréta Rún Snorradóttir, selló, Diljá Sigursveinsdóttir, fiðla
og Sigríður Bjarney Baldvinsdóttir fiðla.
25. ágúst Benedikt Kristjánsson tenór og Mathias Halvorsen píanó leika sönglög eftir
Robert Schumann.
Velkomin á stofutónleika á Gljúfrasteini í sumar.