Framhaldsskólarnir hafa verið duglegir að heimsækja Gljúfrastein undanfarið og verða áfram í nóvembermánuði.
Hjá mörgum skólum er það orðinn fastur liður að heimsækja hús skáldsins á meðan verið er að læra um Halldór Laxness. Flestir nemendahóparnir eru að lesa Sjálfstætt fólk.
Nemendurnir fara í hljóðleiðsögn um húsið, kynnast heimilislífinu á Gljúfrasteini og um leið störfum Halldórs Laxness. Í móttökuhúsi safnsins fræðast þeir um verk og störf Halldórs í gegnum margmiðlunarsýningu. Sérstök áhersla er lögð á þann tíma þegar hann var ungur maður og í kringum þann tíma sem hann var að skrifa Sjálfstætt fólk.
Heimsóknir skólahópa eru ókeypis og er góð leið til þess að brjóta upp hið hefðbundna skólastarf.